ಒಂದು ಸಣ್ಣ ನೋವ ಹನಿ ಮನದ ಕಡಲ ಒಳಗೆ ಸೇರಿ
ನೋವ ಕೊಟ್ಟಿತು...
ನೊಂದ ಮನಸು ತಾನೇ ತನ್ನ ವಿಧಿಯ ಹಳಿದಿತ್ತು..

ಅಲ್ಲೇ ಇದ್ದ ಕಪ್ಪೆ ಚಿಪ್ಪು ನನ್ನ ನೋಡಿತು..
ನೋಡಿ ಪಿಸುನುಡಿಯಿತು...

ಅಯ್ಯೋ ಮರುಳೆ , ಇಲ್ಲಿ ಕೇಳು ನನ್ನ ಕಥೆಯನು ..
ನನ್ನ ಒಡಲ ಸೇರೋ ಹನಿಯು ಕೊಡುವ ನೋವನ್ನು...
ಹನಿಯು ಬಿದ್ದ ಒಡನೆ ನಾನು ಪಡುವ ಪಾಡನು ...

ನೋವು ಎಂದು ನಾನು ವಿಧಿಯನೆಂದು ಹಳಿಯೇನು...
ಬಿದ್ದ ಹನಿಯ ಒಡಲ ಒಳಗೆ ಮುತ್ತಾಗಿಸುವೆನು....!!!!
ನಿನ್ನ ನೋವ ನಿನ್ನ ಒಳಗೆ ನೀನು ಬದಲಿಸು...
ನೋವೆ ಹೆದರಿ ಮುತ್ತು ಆಗೋವರೆಗೆ ಅರಳಿಸು.. !!!

ಅರಿತೆ ನಾನು ನೋವಿನಲ್ಲೂ ಮುತ್ತು ಬೆಳೆಯೋ ಆಟವ...
ಬದುಕ ಬನದ ಸಾರ್ಥಕತೆಯ ನಿನ್ನ ಪಾಠವ .