ಕೆನ್ನೆಯ ಮೇಲಿಟ್ಟ ಮುತ್ತಿನ 
ತೇವವು ಇನ್ನೂ ಆರಿಲ್ಲ,
ಅದಾಗಲೇ ನೀ ಹೊರಡಲು ಎದ್ದೆಯಾ?
ಸುತ್ತಲೂ ಚೆಲ್ಲಿದ ಮುಸ್ಸಂಜೆಯ ಕೆಂಪು 
ಇನ್ನೂ ತುಸುವೂ ಮಾಸಿಲ್ಲಾ 
ಆಗಲೇ ಆಯಿತೆ ಸಮಯ?
ಮಾತುಗಳ ನಡುವೆ ಮೌನದ ದಾರವಿದೆ
ನೀ ಹೋದ ಮೇಲೆ ಅದ್ಯಾಕೆ ಎದೆ ಭಾರವಾಗುತ್ತದೆ,
ಇದ್ದು ಹೋಗು ಇನ್ನೂ ಸ್ವಲ್ಪ ಹೊತ್ತು,
ನನ್ನೊಂದಿಗೆ ಮೌನದಿ ಕೂತು,
ನಾನೂ ನಿನ್ನೊಂದಿಗೆ ಅರ್ಧದಾರಿ ಬರುತ್ತೇನೆ,
ನೀನೆ ನನ್ನ ಅರ್ಧಾಂಗಿ ಆದಮೇಲೆ
ನನ್ನಯ ಉಳಿದ ದಾರಿಯನ್ನೂ
ನಿನಗೆ ಕೊಡುತ್ತೇನೆ...
ಕೈ ಹಿಡಿದು ನಡೆಯುವ ವೇಳೆ
ಈ ಭರವಸೆಯನ್ನು
ಮಾತ್ರವೇ ನಾ ಈಗ ಕೊಡಬಲ್ಲೆ,
ನೆನ್ನೆ ಇಂದಿನಂತೆ ಇರುತ್ತದೆಂದು
ತಿಳಿಯಬೇಡ ನಾಳೆ.