ನೂರಾರು ಕಥೆಯಲ್ಲಿ ನಿನ್ನೊಂದು ಪಾತ್ರ
ವಿವಿಧ ವಿರಹದಲ್ಲಿರುವವರಿಗೆ ನೀನೊಬ್ಬ ಮಿತ್ರ,
ಹುಣ್ಣಿಮೆಯೆಂದು ಅಂದವನ್ನು ಅರಳಿಸಿ ನಿಲ್ಲುವವನೆ
ನಿನ್ನ ಮೋಹದ ಉನ್ಮಾದದಲ್ಲಿ ಕಡಲ ಕೆರಳಿಸಿ ನಗುವವನೆ,
ನನ್ನ ಅದೆಷ್ಟೋ ರಾತ್ರಿಗಳು ನಿನ್ನ ಮುಖವನ್ನು ನೋಡುತ್ತಾ
ಬೆಳಕಾಗಿವೆ, ಅದೆಷ್ಟೋ ಕವನಗಳಿಗೆ ನೀನೆ ತಾನೇ ಸೇತುವೆ,
ಮೌನವಾಗಿ ಬೇಡುತ್ತೇನೆ, ನನ್ನೊಂದಿಗೆಯೇ ಇದ್ದು ಬಿಡು,
ಇಲ್ಲದಿದ್ದರೆ ನೀ ಮೇಲೆ ಹೋದ ದಾರಿಯ ತೋರು
ನಾನೇ ಬಂದು ಸೇರುತ್ತೇನೆ ನಿನ್ನ ಗೂಡು.